Երեւանում բացվել է նոր հզորություններով եւ հարմարություններով «Ադամանտ» ոսկերչական գործարանը. նախագծի իրագործմանը նպաստել է նաեւ պետական աջակցությունը։
ՀՀ Էկոնոմիկայի նախարար Վահան Քերոբյանը շրջայց է կատարել նոր գործարանի տարածքով, ծանոթացել հզորություններին եւ գործընկերների հետ քննարկել կարողությունների լիարժեք օգտագործման հնարավորությունները։
Կառավարությունը հայտարարել է ոսկերչությունը որպես գերակա ոլորտ։ Նախարար Քերոբյանը նշել է՝ պետք է աշխատել ոլորտի զարգացման համար առավել բարենպաստ պայմաններ ստեղծելու ուղղությամբ:
