Անի Հովհաննիսյանը, ավարտելով Սորբոնի համալսարանն ու վերադառնալով հայրենիք, որոշեց իր գիտելիքները ներդնել զբոսաշրջության զարգացման ոլորտում։

Նա ընկերուհու՝ Գայանե Մալիշենկոյի հետ Արագածոտնի մարզի Աշնակ գյուղում հիմնեց Նուշ ավանդական ռեստորանը՝ նոր շունչ հաղորդելով գյուղին։

«Մեզ համար սկզբունքային է, որ ռեստորանի հետ կապված բոլոր աշխատանքներում ներգրավված լինեն բացառապես տեղի բնակիչները, օգտագործվի միայն գյուղում պատրաստված ուտելիքն ու խմիչքը»,- ասում է Անին։

Անին ու Գայանեն մտադիր են ընդլայնել գործունեությունը՝ կազմակերպել միջոցառումներ, համերգներ, բացել հյուրատուն։ Անին ասում է, որ այժմ դիմում են տարբեր ծրագրերի ֆինանսական ռեսուրսներ ներգրավելու և բիզնեսը ընդլանելու համար։

Նպատակը մեկն է՝ զարգացնել զբոսաշրջությունը Աշնակում, ակտիվացնել և տնտեսապես զարգացնել գյուղի կյանքը։