Ռուս քաղաքական գործիչ Ալեքսեյ Նավալնին, ով գտնվում է Վլադիմիրի շրջանի գաղութում, տեղափոխվել է բուժ-սանիտարական բաժանմունք։ Նրա մոտ հերթական կլինիկական հետազոտության ընթացքում հայտնաբերվել է «շնչառական հիվանդության նշաններ», ինչպես նաև գրանցվել է բարձր ջերմություն:

Նավալնին անցել է բոլոր անհրաժեշտ հետազոտությունները, ներառյալ կորոնավիրուսի թեստը: Ինչպես հայտնում են Վլադիմիրի մարզի դաշնային քրեակատարողական ծառայության մամուլի ծառայությունից ընդդիմադիր գործիչը գտնվում է բժիշկների վերահսկողության ներքո։

Քաղաքական գործչի փաստաբան Վադիմ Կոբզևը «Նովայա գազետային» փոխանցել է, որ պաշտպանող կողմը տեղեկություն չունի տեղափոխման մասին: