Դերասան Սոս Ջանիբեկյանը ֆեյսբուքյան իր էջում անդրադարձել է վարչապետի որդու՝ Աշոտ Փաշինյանի հագուստը քննադատող որոշ շրջանակներին՝ նրանց քննադատություններին ի պատասխան՝ կատարելով հեգնական գրառում:

Դերասանի գրառումը՝ ստորև.

«Ախր, Աշոտ ջան, խի ես սենց հագնվում: Դու պաշտոնյայի տղա ես, սաղին քո դեմ ես լարում: Սև հագնվի, մի հատ էլ սև յաշիկ քշի, 120 կմ ժամ արագությամբ Թումանյանով, առանց կարմիրի տակ կանգնելու, անընդհատ գնա-արի՝ շատ բարձր վատ երաժշտությամբ: Լավ կլինի՝ մի քանի հոգով ըլնեք, ու բագաժնիկում էլ մի հատ բիտա ունենաս, որ ում սիգնալ տաս, ինքն էլ քեզ պատասխան սիգնալ տա, իջնեք, էնքան ծեծեք, որ ընկնի վերակենդանացման բաժին: Գրքի խանութ էլ մի գնա, կազինո գնա ու ֆիշկեքով խփի դիլերի դեմքին…»,- նշել է նա: