2021-02-26
Մասկի Starlink-ը ՀՀ-ում արդեն նախապատվերներ է ընդունում
Իլոն Մասկի ստեղծած արբանյակային ինտերնետ ծառայությունը՝ Starlink-ը, Հայաստանում արդեն նախապատվերներ է ընդունում, ֆեյսբուքյան իր էջում գրել է տեղեկատվական տեխնոլոգիաների և մեդիա ոլորտի խորհրդատու Արթուր Պապյանը։
«$99-ով կարող եմ հենց հիմա բաժանորդագրվել Գյումրիում ծառայություն ստանալու համար»,- գրել է նա։
Starlink-ը հաջորդ սերնդի արբանյակային ցանց է, որը կարող է Երկրի բնակիչների համար ապահովել ինտերնետի լայնաշերտ հասանելիություն։ Նախագծի գործնական իրականացումը սկսվել է 2018 թվականի փետրվարի 22-ին։ Դեռ 2019-ի հոկտեմբերին SpaceX ընկերության հիմնադիր Իլոն Մասկն առաջին հաղորդագրությունն է գրել Twitter-ի իր միկրոբլոգում Starlink արբանյակային ցանցի օգնությամբ, որը նախատեսվում է օգտագործել արագ ինտերնետի գլոբալ բաժանման համար։
«Ուղարկում եմ այս թվիթը տիեզերքի և Starlink արբանյակի միջոցով»,-գրել էր Մասկը։
Նմանատիպ Նյութեր