Մենք սոց. ցանցերում

Ին՞չ եք ցանկանում որոնել

18:16
USD 480EUR 544RUR 6.72
Լուրեր Հայաստանից | Tiv1.AM Ստուդիա

Քաղաքականություն

Մինսկի խմբի համանախագահությունը ղարաբաղյան կարգավորման միակ միջազգայնորեն ճանաչված ձևաչափն է

Այսօր ՀՀ արտաքին գործերի նախարար Արա Այվազյանը խորհրդարանում է, ներկայացնում է 44-օրյա պատերազմից հետո Հարավային Կովկասում կատարված վերաձևափոխումները, խոշոր դերակատարների վերադասավորումը։ Պատգամավորների հետ զրույցում նախարարը նշեց՝ պրոցեսը դեռ չի ավարտվել, սակայն այս պահին կարելի է արձանագրել, որ տարածաշրջանում առանցքային դեր է ստանձնել Ռուսաստանի Դաշնությունը, նաև՝ ակնհայտորեն ավելացել են Թուրքիայի հավակնությունները տարածաշրջանային գործընթացներում։

Այվազյանը ընդգծեց՝ տարածաշրջանում հայ ժողովրդի համապարփակ անվտանգության ապահովումը եղել և մնում է մեր արտաքին քաղաքականության առանցքային ուղղությունը։ Ղարաբաղյան հակամարտության չլուծվածությունը շարունակում է մնալ տարածաշրջանային առանցքային մարտահրավերներից մեկը։

«Թուրքիայի աջակցությամբ և անմիջական մասնակցությամբ Ադրբեջանի կողմից Արցախի դեմ ուժի կիրառման հետևանքները և Արցախի տարածքների մի մասի զավթումը չեն կարող համարվել հակամարտության կարգավորում։ Միայն քաղաքական բանակցված կարգավորումը, որը կհարգի բոլորի իրավունքները և կորոշի Արցախի վերջնական կարգավիճակը, կարող է համարվել հակամարտության վերջակետը»,- ասաց արտգործնախարարը։

Արա Այվազյանը շեշտեց՝ մենք հանձնառու ենք գործընթացի վերսկսմանը, սակայն, նախևառաջ, պետք է ձևավորվի խաղաղությանը նպաստող միջավայր, իսկ դրա նախադրյալներն ադրբեջանական կողմից դեռևս նկատելի չեն։ Դա է վկայում ադրբեջանական կողմից նոյեմբերի 9-ի եռակողմ հայտարարության հումանիտար հատվածի չկատարումը, որը մասնավորապես արտահայտվում է գերիների նախահայրենադարձման ուղղությամբ խոչընդոտների հարուցմամբ։

Միևնույն ժամանակ՝ Հայաստանի դիրքորոշումը մնում է անփոփոխ՝ Մինսկի խմբի համանախագահությունը ղարաբաղյան կարգավորման միակ միջազգայնորեն ճանաչված ձևաչափն է, և «մենք շարունակելու ենք սատարել այդ ձևաչափը»։

«Տարածաշրջանում մենք ակնկալում ենք տեսնել ուժեղ համանախագահություն, որն, առաջին հերթին, կկարողանա ապահովել իր մանդատի բովանդակությունը, մասնավորապես խաղաղ գործընթացի առաջմղումը»,- ամփոփեց նախարարը։

Քրիստինե Հովսեփյան
Click to comment

Նմանատիպ նյութեր

Քաղաքականություն

ՀԵՏՔ | Երևանի քաղաքապետ Հայկ Մարությանը որոշել է ապամոնտաժել ԱԺ նախկին պատգամավոր Արկադի Համբարձումյանի՝ Երևանում գտնվող առանձնատան պարսպի մի մասը։ Մարությանը որոշումը ստորագրել է...

Քաղաքականություն

Խորհրդարանականները կարող են աջակցել ԼՂ հակամարտության գոտում արդիական հումանիտար խնդիրների լուծմանը։ Ադրբեջանի միլի մեջլիսի խոսնակ Սահիբա Գաֆարովայի հետ հեռախոսազրույցում այս մասին ասել է ՌԴ...

Քաղաքականություն

Մարտի 2-ին ՀՀ ԱԳ նախարար Արա Այվազյանը հեռախոսազրույց է ունեցել Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ...

Գովազդ