Ամենայն Հայոց Կաթողիկոս Գարեգին Բ-ն ցավակցել է Արարատի մարզում տեղի ունեցած ողբերգական ավտովթարի զոհերի և վիրավորների հարազատներին:

«Մեծ ցավ ապրեցինք՝ տեղեկանալով Արարատի մարզում տեղի ունեցած վթարի հետևանքով զոհված ու վիրավորված ուղևորների մասին։ Մեր վշտակցությունն ենք բերում զոհվածների ընտանիքներին և աղոթում նրանց սիրելիների հոգիների հանգստության համար։ Աստված թող բարի ապաքինում պարգևի վիրավորներին և անփորձանք պահի նրանց Իր Սուրբ Աջի հովանու ներքո»,- ասված է Կաթողիկոսի ուղերձում։