Ազգային ժողովի «Իմ քայլը» խմբակցությունում քննարկում չի եղել խմբակցության նոր ղեկավարի վերաբերյալ, լրագրողների հետ զրույցում այս մասին ասաց պատգամավոր Արփինե Դավոյանը՝ անդրադառնալով այն նկատառմանը, թե խմբակցության ղեկավար Լիլիթ Մակունցը կարող է նշանակվել ԱՄՆ-ում ՀՀ դեսպան, և պետք է ընտրել խմբակցության նոր ղեկավար:

«Այս պահին չկա նման քննարկում: Ցանկացած քննարկում, եթե լինի, հաստատ մեկնաբանություններ կլինեն»,- ասաց Դավոյանը:

Ազգային ժողովի «Իմ քայլը» խմբակցության անդամ Լիլիթ Մակունցը հաստատել էր տարածվող տեղեկություններն այն մասին, որ դիտարկվում է ԱՄՆ-ում ՀՀ դեսպանի պաշտոնում իր նշանակման հարցը: