Մենք սոց. ցանցերում

Ին՞չ եք ցանկանում որոնել

01:37
USD 480EUR 544RUR 6.72
Լուրեր Հայաստանից | Tiv1.AM Ստուդիա

Քաղաքականություն

Դատարանը բավարարել է Գագիկ Ջհանգիրյանի հայցը՝ անվավեր ճանաչելով Քոչարյանի հրամանագրերը

Վարչական դատարանն այսօր բավարարել է նախկին զինդատախազ, գլխավոր դատախազի նախկին տեղակալ Գագիկ Ջհանգիրյանի հայցը:

Ջհանգիրյանը դիմել էր ՀՀ վարչական դատարան՝ պահանջելով առ ոչինչ ճանաչել նախկին նախագահ Ռոբերտ Քոչարյանի՝ 23.02.2008 թվականի թիվ ՆՀ-28-Ա և ՆՀ-29-Ա հրամանագրերը, որոնց համաձայն նա ազատվել էր զբաղեցրած պաշտոնից և զրկվել արդարադատության առաջին դասի պետական խորհրդականի աստիճանից:

Հիշեցնենք՝ Ջհանգիրյանն աշխատանքից ազատվել և դասային աստիճանից զրկվել էր 2008թ. փետրվարի 23-ին, այն բանից հետո, երբ մասնակցել էր ՀՀ առաջին նախագահ, նախագահի թեկնածու Լևոն Տեր-Պետրոսյանի հետընտրական հանրահավաքին և ելույթ ունեցել: Այն ժամանակ ՀՀ գլխավոր դատախազ Աղվան Հովսեփյանը միջնորդություն էր ներկայացրել Քոչարյանին, նշելով, թե իբր Ջհանգիրյանը «կոպտորեն խախտել էր» «Դատախազության մասին» օրենքի պահանջը, որով դատախազներին արգելվում է զբաղվել քաղաքականությամբ:

Գ. Ջհանգիրյանը հանրահավաքին ելույթ ունենալուց հետո, նույն օրը երեկոյան նաև ձերբակալվել էր, ապա ավելի ուշ՝ մարտիմեկյան իրադարձություններից հետո դատապարտվել ոստիկանի նկատմամբ բռնություն գործադրելու մեղադրանքով:

Սակայն 2019 թ. վճռաբեկ բողոքի հիման վրա Գագիկ Ջհանգիրյանն արդարացվել էր և ճանաչվել անմեղ: Իսկ 2020թ. հոկտեմբերին ՄԻԵԴ-ը Ջհանգիրյանի գործով որոշում էր կայացրել՝ արձանագրելով, որ 2008թ. նրա նկատմամբ եղել են Կոնվենցիայի 5 (§1), 5 (§3), 6 (§1) և 11-րդ հոդվածների խախտումներ:

Click to comment

Նմանատիպ նյութեր

Հայաստան

Հայաստանի զինված ուժերը լիարժեք և պատասխանատվությամբ կատարում են երկրի անվտանգության ապահովման իրենց գործառույթները և, անկախ քաղաքական գործընթացներից, շարունակում են իրենց ծառայությունը հանուն պետության և...

Քաղաքականություն

ՀՀ ԱԺ պատգամավոր Հայկ Սարգսյանը ֆեյսբուքյան իր էջում գրել է. Հայտնի ուժերը, փող ու ջանք չխնալելով, ինձ վարկաբեկող կեղծ տեղեկություններ են տարածում իրենց բոլոր...

Քաղաքականություն

ԱԺ «Իմ քայլը» խմբակցության պատգամավոր Վահագն Հովակիմյանը հայտարարել է, թե առերևույթ հիմքեր կան Արմեն Սարգսյանի պաշտոնանկության գործընթաց սկսելու համար՝ Սահմանադրության կոպիտ խախտման հիմքով։ Հայտարարության...

Քաղաքականություն

Հիրավի երեկ Արմեն Սարգսյանը դարձավ 16 ուժերի հերոսը՝ Օնիկ Գասպարյանի պաշտոնանկ անելու միջնորդությունը նա չստորագրեց։ «Մենք ցույց տվինք, որ մենք պատիվ ունենք»,- հանրահավաքի հարթակից...

Գովազդ