Telegram-ի հիմնադիր Պավել Դուրովը հայտարարել է, որ նոր օգտվողների ներհոսքի ֆոնին ևս երկու պետությունների ղեկավարներ ՝ Բրազիլիայի և Թուրքիայի նախագահները, մեսենջերում գործարկել են իրենց ալիքները:

Բացի այդ, տելեգրամից արդեն օգտվում են Մեքսիկայի, Ֆրանսիայի, Ուկրաինայի, Ուզբեկստանի, Թայվանի նախագահները, ինչպես նաեւ Սինգապուրի, Եթովպիայի ու Իսրայելի վարչապետները: Նրանց բոլորի ալիքներն իրենց անվանումներում որպես ստուգում ունեն կապույտ նշան:

«Գուցե մենք ականատես ենք լինում մարդկության պատմության մեջ ամենամեծ թվային միգրացիային», – նշել է Դուրովը:

Ավելի վաղ նա ասել էր, որ հունվարի սկզբին Telegram-ի լսարանը հատել է 500 միլիոն օգտատերի շեմը:

Օգտատերերի ներհոսքը կապված է այն բանի հետ, որ WhatsApp-ը ՝ աշխարհի ամենահայտնի մեսենջերը, թարմացրել է իր ծառայության պայմանները և գաղտնիության քաղաքականությունը: Սա առաջացրեց բազմաթիվ օգտատերերի դժգոհությունը և նրանք սկսեցին անցնել այլ հավելվածների:

Վերջերս տելեգրամում հայտնվեց նաև Դոնալդ Թրամփի ալիքը, որը նրա աջակիցների կողմից Կապիտոլիումի գրոհից հետո արգելափակվեց շատ սոցիալական ցանցերում ՝ հնարավոր բռնություն հրահրելու պատճառով: Ավելի քան 500 հազար մարդ է բաժանորդագրված Թրամփի տելեգրամ ալիքին, բայց այժմ նրա անվան կողքին գրված է «scam» և նախազգուշացում, որ սա խաբեություն կամ կեղծ հաշիվ է:

Կարեն Կոլոսով