ՀՀ ՊՎԾ պետ(լիազորությունները ժամանակավորապես կասեցված) Դավիթ Սանասարյանը ֆեյսբուքյան իր էջում գրել է․

Սիրելիներ ջան,

Մի՛ տրվեք մանիպուլացիների. այս օրհասական պահին ձեր ամենամեծ պաշտպանը ձեր զգոնությունն է։
Դաշտում էմոցիա գողանալու մրցույթ է հայտարարված (իհարկե կարևոր մտքեր ևս արտահայտվում են). մի՛ ոգևորվեք ու մի՛ հուսահատվեք թվացյալ ճշմարիտ խոսքերից։

Ճշմարտության պահը գալու է. այս պղտոր ջուրը դեռ մի քիչ էլ կպղտորվի, հետո ամեն ինչ իր տեղը կընկնի։

Գիտեմ, որ լռությունս շատերիդ դուրը չի գալիս, շատերն էլ ուրախ են, բայց լռում եմ ոչ թե նրա համար, որ ասելիք չկա, այլ փորձում եմ ամեն ինչ անել, որ կարևոր առաքելությունս՝ մարդ մնալս չկորցնեմ։ Ասեմ ավելին, ինձ ամենահեշտը կլիներ մեղադրել բոլորին, բայց ես նման գայթակղության չեմ տրվում ու չեմ տրվելու։ Պատասխանատվության ժամը գալու է, ու ոչ մեկս չենք խուսափելու։

Պինդ եղեք. ինչպես Հյուգոն էր ասում՝ նույնիսկ ամենախավար գիշերը կավարտվի և արևը նորից կծագի ։