X
Մենք սոց. ցանցերում

Արցախ

ԱՀԿ-ն անհանգստացած է ԼՂ հակամարտության գոտում կորոնավիրուսային հիվանդության աճից

Լեռնային Ղարաբաղում հակամարտության սրումը նպաստում է կորոնավիրուսի կտրուկ աճին ու տարածմանը: Այդ մասին ասվում է Առողջապահության համաշխարհային կազմակերպության եվրոպական տարածաշրջանի տնօրեն Հանս Կլյուգեի՝ ԼՂ հակամարտության վերաբերյալ տարածած հայտարարության մեջ:

ТАСС-ի փոխանցմամբ՝ հայտարարության մեջ ասված է.

«Սեպտեմբերի վերջից սկսված՝ ԼՂ հակամարտության գոտում սրման հետեւանքով տասնյակ հազարավոր քաղաքացիական անձինք են տեղափոխվել, հարյուրավորները վիրավորվել, շատերը՝ սպանվել:  Ռազմական գործողություններն արդեն նպաստում են COVID-19 փոխանցման կտրուկ արագացմանը:  Շարունակական բռնությունը և բնակչության հետագա տեղահանությունը կխորացնեն առողջապահական իրավիճակի անորոշությունը»:

Նա նշել է, որ ռազմական գործողությունները խաթարում են բնակիչներին առողջապահական օգնություն ցույց տալը, ավելացնում ծանրաբեռնվածությունը համաճարակով արդեն իսկ լարված առողջական համակարգերի վրա:

ԱՀԿ-ն կոչ է անում չկորցնել ժամանակ և ջանքեր՝ պաշտպանելու համար կյանքի և ապրուստի միջոցները հանրային առողջության սպառնալիքներից, որոնք աննախադեպ են:

«ԱՀԿ-ն հակամարտության բոլոր կողմերին հորդորում է միջազգային մարդասիրական իրավունքին համապատասխան պաշտպանել խաղաղ բնակչությանը և առողջապահական հաստատությունները, որոնք զբաղվում են վիրավորներին և հիվանդներին խնամելով:  COVID-19- ի համատեքստում հատկապես կարևոր է, որ առողջապահության բնագավառի բոլոր աշխատողները պաշտպանված լինեն բռնությունից, որպեսզի  կարողանան պահպանել համաճարակային համապատասխան արձագանքը: Ռազմական գործողությունների անհապաղ դադարեցումը կենսական նշանակություն ունի առողջապահական ծառայությունների հասանելիությունն ապահովելու համար, այն մարդու հիմնարար իրավունք է»,- ասվում է հայտարարության մեջ:

Թիվ 1

Նմանատիպ Նյութեր

Լրահոս