Մենք սոց. ցանցերում

Ին՞չ եք ցանկանում որոնել

23:27
USD 480EUR 544RUR 6.72
Լուրեր Հայաստանից | Tiv1.AM Ստուդիա

Հայաստան

Ես հորդորում եմ վերսկսել ուսումնական գործընթացը․Դիանա Գալոյան

Տնտեսագիտական համալսարանում վերջին օրերին ճգնաժամային իրավիճակ է, քանի որ սույն թվականի հուլիսի 17-ին տեղի է ունեցել ռեկտորի մրցույթ, սակայն ընտրության արդյունքները մինչև հիմա չեն հաստատվել՝ այսպիսի նախաբանով սկսեց ճեպազրույցը ՀՊՏՀ ռեկտոր ընտրված, բայց չհաստատված Դիանա Գալոյանը։

Վերջինիս խոսքով՝ համալսարանն արդեն 2 տարի չունի ընտրված ռեկտոր, և այն կառավարում են ռեկտորի ժամանակավոր պաշտոնակատարները։ Այս տարի կայացած մրցույթի արդյունքում Դիանա Գալոյանը ստացել է ձայների երկու երրորդը և արդեն 2 ամսից ավել համալսարանում սպասում են իր նշանակմնանը։

Նշանակման երկարաձգման հետ կապված Տնտեսագիտական համալսարանի գիտական խորհուրդը դիմել է և՛ ՀՀ վարչապետին, և՛ ԿԳՄՍ նախարարին՝ խնդրելով անհապաղ հաստատել, կամ առնվազն պարզաբանել, թե ինչու է երկարաձգվում հաստատման գործընթացը։ Արդեն անցել է շուրջ 1 ամիս, սակայն դեռ պատասխան չի եղել հարցի հետ կապված, որն էլ պատճառ է հանդիսացել ՀՊՏՀ դասախոսների կողմից ակցիա իրականացնելու համար։

«Մեզ համար անընդունելի է այս վիճակը, որովհետև պետք է ուշադրություն դարձնել այն հարցին, որ ռեկտորի ընտրության մրցույթի արդյունքների հաստատումը, դա կառավարության կողմից Կրթության օրենքի պահանջն է, և դա իմպերատիվ պահանջ է, հետևաբար այս պահին առնվազն ձգձգվում է օրենքի իմպերատիվ պահանջի կատարումը, ինչը, բնական է, առաջացնում է որոշակի անհանգստություններ և մտահոգություններ կոլեկտիվում»,- ասաց Դիանա Գալոյանը՝ նշելով, որ «կոլեկտիվը գնաց այս քայլին, քանի որ երկխոսության բոլոր միջոցներն արդեն կիրառվել են»։

Տիկին Գալոյանը փաստեց, որ համալսարանն ունի գրեթե 6000 ուսանող, բյուջեն ավելացել է շուրջ 0,5 միլիարդ դրամով, և այս արդյունքները գրանցելու համար ՀՊՏՀ-ում աշխատում է երիտասարդ, պրոֆեսիոնալ թիմ։ Իսկ հետագա ուսումնական բնականոն գործընթացը ապահովելու համար ռեկտորի նշանակման հաստատումն անհրաժեշտություն է։

«Ես շատ շնորհակալ եմ Տնտեսագիտական համալսարանի կոլեկտիվին այս աննախադեպ աջակցության համար։ Ես վստահ եմ, որ սա արվում է ոչ թե մեկ անձի, այլ արվում է բուհ-ի տեսլականի համար, հետագա երկարաժամկետ ռազմավարության  որդեգրման համար։ Ես հորդորում եմ վերսկսել ուսումնական գործընթացը, բայց, այնուամենայնիվ, մենք պատրաստվում ենք կոլեկտիվով մեր պայքարն այլ հարթակներում իրականացնել»,- եզրափակեց Դիանա Գալոյանը։

Քրիստինե Հովսեփյան
Click to comment
Գովազդ

Նմանատիպ նյութեր

Facebook

ՊՆ ներկայացուցիչ Արծրուն Հովհաննիսյանը ֆեյսբուքյան իր էջում գրել է. Այ բալամ, հազար ասինք քեզ խաբում են։ Մեկ Հադրութ են գրավում մեկ չգիտեմ ինչ, հիմա...

Քաղաքականություն

Հարց -Շնորհակալ եմ զրույցի հնարավորության համար։ Ընդհանուր առմամբ ինչպե՞ս եք գնահատում պատերազմը: Զգացողությունն այնպիսին է, որ պատերազմը վերածվել է մի գործընթացի, որի նպատակն է...

Արցախ

Արցախի նկատմամբ Ադրբեջանի սանձազերծած պատերազմում զոհվել է Երևանի Մնջախաղի պետական թատրոնի մնջախաղաց-դերասան Հովհաննես Հաջինյանը: Այս մասին հայտնում է Մնջախաղի թատրոնի «Ֆեյսբուք»-ի էջը: «Մեր ընկերը,...

Արցախ

ԱՄՆ Ներկայացուցիչների պալատ է ներկայացվել Արցախի Հանրապետության անկախությունը ճանաչող բանաձև: Բանաձևի հեղինակը ԱՄՆ Ներկայացուցիչների պալատի անդամ Գրեյս Նապոլիտանոն է: «Առաջ գնալու ճանապարհը ազատության ճանապարհն...