Մենք սոց. ցանցերում

Ին՞չ եք ցանկանում որոնել

19:21
USD 480EUR 544RUR 6.72
Լուրեր Հայաստանից | Tiv1.AM Ստուդիա

ԹԻՎ 1 բլոգ

Հայաստանյան հասարակության մեջ ընդունված է ամեն գնով մեքենա ունենալու երևույթը Գագիկ Մամուլյան

Առհասարակ մեքենայի ընտրությունը շատ դժվար ու անշնորհակալ գործ է, և որքան էլ մանրամասն կատարենք այդ ընտրությունը, միևնույնն է, շատ դժվար ենք գոհ մնալու մեր ընտրածից: Մեքենա ընտրելիս նախ և առաջ պետք է սկսել նրանից՝ արդյոք մեզ պետք է ունենալ մեքենա, թե, ասենք, տաքսի ծառայությունը ավելի հարմար միջոց է մեր ամենօրյա տեղաշարժերն ապահովելու համար: Հայաստանյան հասարակության մեջ ընդունված է ամեն գնով մեքենա ունենալու երևույթը: Դա որոշակիորեն սոցիալական ստատուս է ընդգծում՝ հարևանին ենք «տրաքեցնում» և այլն: Արդեն ոչ արդիական է այն միտքը, որ ավտոմեքենան զուտ փոխադրամիջոց է, քանի որ մեր իրականությունում գոյություն ունեն «զուտ փախադրամիջոց» կոչվող մեքենաներ, որոնց ձեռքբերման ու պահպանության գումարով կարելի է մոտ 1295 տարի տաքսիով օրը երկու-երեք անգամ տեղափոխվել Մեղրիից Բագրատաշեն, իսկ մնացած գումարն ուղարկել որևէ սահմանամերձ գյուղ՝ ապահովելով բնակիչների առաջիկա 25-33 տարվա անհոգ կյանքը:
Այսինքն հստակ տարանջատված է մեքենաների ու փոխադրամիջոցների միջև սահմանը: Եթե ընտրում ենք ուղղակի փոխադրամիջոց, այն պետք է ունենա սկզբնական ցածր արժեք, լինի հնարավորինս քիչ ծախսատար, իսկ հարմարավետության առումով մեծ սպասելիքներ դրանից չպետք է ունենանք: Իսկ եթե ընտրում ենք մեքենա, այն պետք է ունենա թանկարժեք պահեստամասեր, որոնք բնականաբար պետք է մերթընդմերթ փչանան ու մեզ «գցեն ծախսերի տակ»: Բայց փոխարենը մեքենան մեզ պետք է տրամադրի հարմարավետություն, անվտանգություն, վարման հաճույք, պետք է համապատասխանի մեր սոցիալական ստատուսին, կամ որ ավելի վատ է՝ բարձրացնի մեր սոցիալական ստատուսը, ունենա այնպիսի արտաքին տվյալներ, որ հարևան Ռիփսիկ ծյոծյան միանգամից կողմնորոշվի՝ արժե աչքով տալ, թե՞ հերթական 2-3000 դոլարանոց ժեխն է և այլն: Մեքենա ընտրելիս շատ կարևոր է նախապես հստակեցնել այն ունենալու նպատակը ու այն վայրը, որտեղ պետք է այն շահագործվի: Եգիպտացորենի սպիրտով աշխատող մեքենան շատ հրաշալի բան է, բայց Հայաստանում այն շահագործելը 5 անգամ թանկ կլինի, քան բենզինովը… Հայաստանում շահագործելու համար անհրաժեշտ է ունենալ մեքենա, որը, ենթադրենք, շահագործվում է թթի օղիով, կալոշի սպիրտով, կամ հոնի ծառի շվաքում քաշած տանձի օղիով: Մի խոսքով, ցանկացած մեքենա լավն է, եթե նախապես գիտեք՝ ինչ սպասել դրանից…

Գագիկ Մամուլյան

Click to comment
Գովազդ

Նմանատիպ նյութեր

Facebook

ՊՆ ներկայացուցիչ Արծրուն Հովհաննիսյանը ֆեյսբուքյան իր էջում գրել է. Այ բալամ, հազար ասինք քեզ խաբում են։ Մեկ Հադրութ են գրավում մեկ չգիտեմ ինչ, հիմա...

Հայաստան

ՀՀ ազգային անվտանգության ծառայությունը տեղեկացնում է, որ վերջին շրջանում համացանցում հայտնվել են կասկածելի ծագում ունեցող լրատվական կայքեր ու սոցիալական ցանցերի կեղծ էջեր (օրինակ՝ lurer.live...

Քաղաքականություն

Հարց -Շնորհակալ եմ զրույցի հնարավորության համար։ Ընդհանուր առմամբ ինչպե՞ս եք գնահատում պատերազմը: Զգացողությունն այնպիսին է, որ պատերազմը վերածվել է մի գործընթացի, որի նպատակն է...

Արցախ

Արցախի նկատմամբ Ադրբեջանի սանձազերծած պատերազմում զոհվել է Երևանի Մնջախաղի պետական թատրոնի մնջախաղաց-դերասան Հովհաննես Հաջինյանը: Այս մասին հայտնում է Մնջախաղի թատրոնի «Ֆեյսբուք»-ի էջը: «Մեր ընկերը,...