Մենք սոց. ցանցերում

Ին՞չ եք ցանկանում որոնել

20:57
USD 480EUR 544RUR 6.72
Լուրեր Հայաստանից | Tiv1.AM Ստուդիա

Գրականություն

Ֆրանսիայում ցանկանում էին արգելել «Ես ատում եմ տղամարդկանց» գիրքը․ նրա վաճառքը մեծացավ

Ֆրանսիայում փորձել են արգելել 25-ամյա Պոլին Արմաժի «Ես ատում եմ տղամարդկանց» գիրքը, բայց հասան հակառակ արդյունքի: Այս մասին գրում է The Guardian-ը:

Աշխատանքն արգելելու նախաձեռնությամբ հանդես է եկել Ֆրանսիայի գենդերային հավասարության հարցերով նախարարության հատուկ խորհրդական Ռալֆ Ցուրմելին: Նա հայտարարել է, որ նման գրքերը սեռով պայմանավորված ատելություն են առաջացնում, ինչը քրեական հանցագործություն է, ինչպես նաև նա սպառնում էր աղջկան քրեական հետապնդմամբ: Ավելի ուշ նախարարությունը մեկնաբանեց, որ այս սպառնալիքը պաշտոնյայի «անձնական նախաձեռնությունն է» և ոչ թե գերատեսչության պաշտոնական դիրքորոշումը:

Իր էսսեի մեջ Արմաժը փորձում է պատասխանել այն հարցին, թե արդյո՞ք կանայք տղամարդկանց ատելու հիմնավոր պատճառներ ունեն և հնարավո՞ր է զայրույթի միջոցով ազատվել այդ ատելությունից, եթե  այն ազատորեն և առանց վախի արտահայտելու հնարավորություն լինի:

Հրատարակմամբ զբաղվել է Monstrograph փոքր ընկերությունը։ 80 էջանոց տեքստը տպագրվել է ընդամենը 400 օրինակ տպաքանակով, սակայն Ցուրմելիի հայտարարություններից հետո գրքի վաճառքը սկսեց կտրուկ աճել: Գրքի առաջին երեք հրատարակությունները միանգամից սպառվեցին, և թողարկումից երեք շաբաթ անց ընթերցողները գնեցին ևս 2500 օրինակ: Գրանցած հաջողությունից հետո, «Ես ատում եմ տղամարդկանց»-ը  կվերաթողարկվի ավելի մեծ հրատարակչի կողմից և ավելի մեծ տպաքանակով:

Monstrograph-ից մեկնաբանում են, որ դիտմամբ են էսսեին տվել սադրող վերնագիր: Արմաժը կարծում է, որ իր գիրքը բոլոր կանանց մտածելու հիմք է տալու «Ավելի լավ է մենակ լինել, քան ամեն պատահածի հետ» ասացվածքի մասին և ավելացրել է․ «Իշխանական ճգնաժամի մեջ հայտնված պետական ​​պաշտոնյան բախվում է 80 էջանոց գրքի հետ, որի տպաքանակը 400 օրինակ է: Ես սա շատ խնդրահարույց եմ համարում»:

Նյութը՝ esquire.ru, թարգմանություն՝ Կարեն Կոլոսով
Click to comment
Գովազդ

Նմանատիպ նյութեր

Facebook

Առողջապահության փոխնախարար Արտյոմ Սմբատյանը իր ֆեյսբուքյան էջում գրառում է կատարել, որտեղ նշել է, որ կորոնավիրուսով վարակված եղած ժամանակ «Բարգավաճ Հայաստան» կուսակցության նախագահ Գագիկ Ծառուկյանի...

Հայաստան

Հարցազրույց օպերային երգիչ, երգահան Ռիչարդ Մադլենյանի հետ: Ըստ Ձեզ, որքանո՞վ է ընդունելի մարդուն (թեկուզ պաշտոնյայի որդուն) պարելիս նկարելը և քաղաքական նպատակներով այն տարածելը։ -Ընդհանրապես,...

Հայաստան

Խորն ափսոսանքով տեղեկացնում ենք, որ մահացել է բժիշկ, բժշկական գիտությունների դոկտոր,Հայաստանի առողջապահության նախկին նախարար Նորայր Դավիդյանցը: Այս մասին իր ֆեյսբուքյան էջում գրել է ԵՊԲՀ աշխատակազմի...

Հայաստան

Նիկոլ Փաշինյանը շնորհավորական ուղերձ է հղել Ավրորա մարդասիրական նախաձեռնության 5-րդ տարեդարձի կապակցությամբ: Ուղերձում, մասնավորապես, ասվում է. Շնորհավորում եմ Ավրորա մարդասիրական նախաձեռնության հիմնադրման 5-րդ տարեդարձի...