Մենք սոց. ցանցերում

Ին՞չ եք ցանկանում որոնել

03:51
USD 480EUR 544RUR 6.72
Լուրեր Հայաստանից | Tiv1.AM Ստուդիա

Սպորտ

Աշնանը 200-ից ավել երկրներ կմիավորվեն օնլայնում ՝ հանուն ֆուտբոլի ու ընկերության

Covid19 -ի պատճառով մանկապատանեկան ֆուտբոլային ամենամասշտաբային սոցիալական նախագիծը՝ «Ֆուտբոլն աշխարհի բարեկամության համար», այս տարի տեղափոխվում է օնլայն իրականություն: Կազմակերպիչները խոստացել են անչափ հետաքրքիր ծրագիր, որը կմիավորի մեծ թվով ֆուտբոլասերների յուրահատուկ ձևաչափով մրցաշարի շուրջ:

2019 -ին Մադրիդում կայացած միջոցառմանը մասնակցելու և Չեպիոնների Լիգայի եզրափակչիը դիտելու էր մեկնել նաև հաղորդավար Ժակը, ով շարունակում է մնալ նախագծի հայաստանյան լավագույն ընկերներից մեկը և կիսվել է մեզ հետ նոր մանրամասներով:

2020 թվականի սեպտեմբերի  3-ին «Գազպրոմ» հանրային բաժնետիրական ընկերության կողմից իրականացվող միջազգային մանկական սոցիալական ամենամյա «Ֆուտբոլը բարեկամության համար» (FOOTBALL FOR FRIENDSHIP) ծրագիրը հայտարարեց «Ֆուտբոլն աշխարհի բարեկամության համար» (F4F World) խաղի մեկնարկի մասին: Սկիզբը նախատեսվում է 2020թ. աշնանը և առաջին գրանցվող օգտատերերի համար խաղն ամբողջությամբ կլինի անվճար: Այս տարի ծրագիրն անց է կացվելու օնլայն եղանակով, իսկ հատուկ թվային հարթակը միավորելու է տարբեր տարիքային խմբերի ավելի քան 10 հազար մասնակիցների:

Առաջին անգամ ֆուտբոլի պատմության մեջ աշխարհի օգտատերերը հնարավորություն կունենան մասնակցել «Ֆուտբոլը բարեկամության համար» կանոններով մրցումներին` միավորվելով միջազգային հավաքականներում: Ֆուտբոլային սիմուլյատոր ժանրում նոր բազմամարտ խաղը  հիմնված է ծրագրի կարևորագույն արժեքների վրա, ինչպիսիք են ընկերությունը, խաղաղությունն ու հավասարությունը: Ծրագիրը մշակվել է ոլորտում ավելի քան քսան տարվա փորձ ունեցող ծրագրային ապահովմամբ զբաղվող «DataArt»-ը ընկերությունը, իսկ խաղը հասանելի կլինի  MS Windows, Apple MacOS, Android, iOS հարթակներում:

«Մեր թիմի համար մեծ պատիվ է մասնակցություն ունենալ այսչափ սոցիալական բարձր նշանակություն խաղի մշակման գործում: Նախագծի ստեղծման վրա աշխատում են աշխարհի տարբեր երկրներից և քաղաքներից մարդիկ, որոնք ունեն տարբեր մասնագիտություններ, խոսում են տարբեր լեզուներով, սակայն նրանց բոլորին միավորում է ոչ միայն «Ֆուտբոլը բարեկամության համար» ծրագիրը, այլև ցանկությունը` ստեղծելու առավելապես հետաքրքիր հարթակ ֆուտբոլասերների համար»- նշում են  DataArt ընկերությունում:

«Ֆուտբոլն աշխարհի բարեկամության համար» ծրագիրը թույլ կտա ուղիղ եթերում  կազմակերպել միջազգային հավաքական թիմերի մրցումներ, որտեղ յուրաքանչյուր ֆուտբոլիստի համար պատասխանատվություն են կրում տարբեր երկրների օգտատերերը: Յուրաքանչյուր թիմում ներառված են դարպասապահ, պաշտպան, երկու հարձակվող, երկու կիսապաշտպան, ինչպես նաև մարզիչ և պահեստայիններ:

«Ֆուտբոլն աշխարհի  բարեկամության համար» ծրագիրը հնարավորություն է տալիս օգտատերերին միանալ թիմերին կամ ստեղծել սեփականը` հրավիրելով ծանոթ կամ պատահական խաղացողների: Դասական կանոններից բացի խաղացողներին առաջին անգամ հասանելի են նոր կանոններով մրցախաղեր, որոնք հիմնված են միջազգային  «Ֆուտբոլը բարեկամության համար» ծրագրի գաղափարախոսության վրա:

Հիշեցնենք, որ «Ֆուտբոլը բարեկամության համար» միջազգային մանկական  սոցիալական ամենամյա ծրագիր է, որը 2013թ-ից  իրականացվում է  «Գազպրոմ» ՀԲԸ-ի կողմից: Նախորդ յոթ մրցաշրջանների ընթացքում ծրագիրը միավորել է վեց հազարից ավել մասնակիցների: Ծրագրին կարող են մասնակցել աշխարհի տարբեր երկրների 12 տարեկան պատանի ֆուտբոլիստներ և լրագրողներ: Տարբեր երկրներ և մշակույթներ ներկայացնող երիտասարդ ֆուտբոլիստները միավորվում են հավաքականներում և ցույց տալիս աշխարհին, որ ազգությունը, սեռը և ֆիզիկական հնարավորությունները չեն կարող խոչընդոտ հանդիսանալ մեկ թիմում խաղալու համար: Իսկ ծրագրի մասնակից երիտասարդ լրագրողները լուսաբանում են իրադարձությունները մանկական միջազգային լրատվական կենտրոնում:

Ծրագրին աջակցում են ՖԻՖԱ-ն, ՈՒԵՖԱ-ն, տարբեր երկրների ֆուտբոլի ֆեդերացիաներ և առաջատար ֆուտբոլային ակումբներ, միջազգային բարեգործական հիմնադրամներ, հասարակական կազմակերպություններ, քաղաքական գործիչներ և հայտնի ֆուտբոլիստներ:

Click to comment

Նմանատիպ նյութեր

Քաղաքականություն

Թեպետ երեկ ԱԺ նիստում «Բարգավաճ Հայաստան» խմբակցության առաջամարտիկները ջանք ու եռանդ չխնայեցին բարձրաձայնելու համար Սյունիքի անվտանգության խնդիրները՝ իշխանական թիմի պատգամավորների աչքը մտցնելով նրանց անգործությունն...

Քաղաքականություն

Ես միանում եմ Գագիկ Ծառուկյանի գնահատականին՝ Վազգեն Մանուկյանի՝ Գյումրիում արած արտահայտության վերաբերյալ: Այդ մասին ԱԺ-ում լրագրողների հետ ճեպազրույցում ասաց ԱԺ «Բարգավաճ Հայաստան» խմբակցության պատգամավոր...

Քաղաքականություն

Թեև ընդդիմադիր թևը բոլոր հնարավոր առիթներով հայտարարում է, որ օր առաջ Նիկոլ Փաշինյանը պետք է հրաժարական տա՝ իր տեղը զիջելով ազգային համաձայնության  կառավարությանը, և...

Քաղաքականություն

Պաշտպանության նախկին նախարար Դավիթ Տոնոյանի նախկին խորհրդական, զենքի առքուվաճառքով զբաղվող գործարար Դավիթ Գալստյանը (մականունը՝ Պատրոն Դավո) որպես մեղադրյալ է ներգրավվել Ազգային անվտանգության ծառայությունում քննվող...

Գովազդ