Բելգիայի Վերվիե քաղաքի կենտրոնում առաջին քաղաքապետ Պիեռ Դավիդին նվիրված շատրվանի վերանորոգման աշխատանքների ժամանակ հայտնաբերվել է վերջինիս զմռսված սիրտը, հայտնում է BBC-ն։

Սիրտը գտնվել է սպիրտով լի տարայի մեջ, դա էլ ՝ցինկե արկղում։ Նրա վրա փորագրություն կար, որտեղ ասվում է․ «Պիեռ Դավիդի սիրտը հուշարձանում հանդիսավոր կերպով տեղադրվեց 1883 թվականի հունիսի 25-ին»։ Հայտնի է, որ Վերվիեի առաջին քաղաքապետը մահացել է 1839 թվականին, իսկ շատրվանը բացվել է 44 տարի անց:

A great story from @BBCNews (and some nice images) – Heart of [nineteenth century] Belgian city mayor found entombed in fountain. "An urban legend becomes reality" said Verviers Alderman for Public Works, Maxime Degey https://t.co/2D5NL7yKhr pic.twitter.com/O4Rcbaad4W

— Historic Photographer of the Year (@hpotyawards) September 1, 2020

Արկղը գտնվել է շատրվանի վերին մասում ՝ քաղաքապետի կիսանդրու մոտակայքում և լավ պահպանված վիճակում: Ինչպես նշում է The Daily Mail-ը, դրա հայտնաբերումը հաստատեց հին քաղաքային լեգենդը, ըստ որի «քաղաքի սրտում գտնվում է իսկական մարդկային սիրտ»: Գտածոն տեղափոխվել է կերպարվեստի տեղական թանգարան:

Պիեռ Դավիդը մահացել է 68 տարեկան հասակում: Նրա հարազատները համաձայնեցին, որ առաջին քաղաքապետի սիրտը հանեն և տեղադրեն հուշարձանի մեջ, որի համար մի քանի տասնամյակ գումար էր հավաքվում։

Heart found inside fountain – The restoration of a historic fountain in the Belgian city Verviers uncovered a chest containing the heart of mayor Pierre David, who died in 1839, confirming the reality of a long-rumoured legend that the town had an actual human heart at its core. pic.twitter.com/ETznPFWSkA

— A Course in Dying (@acourseindying) September 1, 2020

Պիեռ Դավիդը առաջին անգամ Վերվիեի քաղաքապետն էր 1800-1808 թվականներին, երբ տարածքը դեռ գտնվում էր Ֆրանսիայի տիրապետության տակ, իսկ հետո վերադարձավ այդ պաշտոնին 1830 թվականին, երբ հեղափոխությունը հանգեցրեց Բելգիայի անկախ Թագավորությանը: Նա հայտնի է նրանով, որ քաղաքում հիմնել է հրշեջ ծառայություն:

Նյութը՝ esquire.ru, թարգմանություն՝ Կարեն Կոլոսով