2020-08-27
Վիեննայի Օպերան Covid-ով պայմանավորված հանդիսատեսին առաջարկում է չբղավել «Բրավո»
Վիեննայի Օպերան, որը սեպտեմբերին պատրաստվում է բացել նոր թատերաշրջանը , ապագա հանդիսատեսի համար ցուցումներ է հրապարակել իր կայքում : Հանդիսատեսին, մասնավորապես, խնդրվում է ներկայացումների ժամանակ ձեռնպահ մնալ «Բրավո» բղավելուց: Դրանք առաջարկվում է փոխարինել բուռն ծափահարություններով։
Այս առաջարկությունը կապված է օպերայի ղեկավարության ցանկության հետ `նվազեցնելու համար կորոնավիրուսի տարածման ռիսկը այցելուների և աշխատակիցների շրջանում: Հանդիսատեսին նաև խնդրում են կրել պաշտպանիչ դիմակներ, պահպանել հեռավորությունը և ձեռքի հիգիենան: Օպերայի տնօրինությունը առաջարկում է այցելուներին օգտագործել բուֆերային անվտանգ և անհպում վճարման եղանակը և ներկայացումն ավարտվելուց հետո որքան հնարավոր է շուտ հեռանալ շենքից։
Նյութը՝ esquire.ru, թարգմանություն՝ Կարեն Կոլոսով
Նմանատիպ Նյութեր