Բելառուսի նախագահական ընտրություններում ընդդիմադիր թեկնածու Սվետլանա Տիխանովսկայան այսօր հեռացել է Բելառուսից։ Նա այժմ գտնվում է Լիտվայում։ Տիխանովսկայան տեսանյութ է հրապարակել Youtube-ում՝ անրադառնալով իր՝ երկիրը լքելու որոշմանը։

«Թվում էր, թե կոփված եմ ու կդիմանամ ամեն ինչի, սակայն ես, երևի, մնացել եմ այն թույլ կնոջ կերպարում, ինչպիսին եղել եմ ի սկզբանե: Շատ դժվար որոշում եմ կայացրել, ընդ որում դա արել եմ ինքնուրույն: Ո՛չ ընկերներս, ո՛չ հարազատներս ու ո՛չ էլ նախընտրական շտաբը որևէ կերպ չեն ազդել իմ որոշման վրա»,- նշել է Տիխանովսկայան։