2020-08-09
Ախալքալաքում անհանգիստ է. հրդեհված բնակարաններ, վնասված հյուրանոց, սպանվել է 1 երիտասարդ
Ախալքալաքի կենտրոնում օգոստոսի 8-ի, ժամը 20:00-ի սահմաններում երիտասարդների միջև բախում է տեղի ունեցել, կրակոցներ են արձակվել։
Ինչպես հաղորդում է «Ալիք մեդիա»-ն, միջադեպի հետևանքով հրազենային վնասվածքից 27- ամյա երիտասարդ է մահացել:
Առկա տեղեկատվության համաձայն՝ Ախալքալաքի շրջանի Կուլիկամ գյուղի երիտասարդների և Ախալքալաքի հյուրանոցներից մեկի սեփականատիրոջ կամ նրա մտերիմների միջև կոնֆլիկտ է ծագել, ինչի հետևանքով բախումները ավելի լայնամասշտաբ են դարձել:
Երիտասարդների մի խումբն Ախալքալաքում վառել է «Արտսեկ» հյուրանոցի սեփականատիրոջ հետ առնչություն ունեցող չորս բնակարան, ինչպես նաև կոտրել հյուրանոցի դռներն ու ապակիները, ապա վառել նաև հյուրանոցը:
Այս պահին Ախալքալաքում աշխատում են հատուկ ստորաբաժանումները, և մի շարք մունիցիպալիտետներից ժամանած հրշեջ փրկարարները:
Նմանատիպ Նյութեր