Մենք սոց. ցանցերում

Ին՞չ եք ցանկանում որոնել

12:28
USD 480EUR 544RUR 6.72
Լուրեր Հայաստանից | Tiv1.AM Ստուդիա

Մշակույթ

«Ոսկե ծիրանը հնագույն մշակույթ ունեցող երկրի և երիտասարդ փառատոնի յուրատեսակ համադրություն է»․ Ատոմ Էգոյան | armenpress.am

Հանրահայտ կինոռեժիսոր, Երևանի «Ոսկե ծիրան» միջազգային կինոփառատոնի պատվավոր խորհրդի անդամ Ատոմ Էգոյանն ակտիվ մասնակցություն է ունենալու փառատոնային GAIFF PRO հարթակի աշխատանքներում։ Կինոռեժիսորն իր փորձը կիսելու է հուլիսի 13-16-ն անցկացվող GAIFF PRO-ի մասնակիցների հետ, արդեն հասցրել է ընթերցել C2C օնլայն շուկայի նախագծերը։

«Արմենպրես»ի հաղորդմամբ՝ հուլիսի 14-ին նախատեսվում է համեմատական քննարկում Ատոմ Էգոյանի «Օրացույց»  և Եկատերինե Չելիձեի «Մեռած հոգիների արձակուրդը» ֆիլմերի շուրջ, որին կմասնակցեն երկու ռեժիսորները։

«Հենց սկզբից, երբ ստեղծվում էր «Ոսկե ծիրանը», մենք մտածում էինք մշակույթների խաչմերուկ ծրագրի մասին։ Հայաստանն այն երկիրն է, որտեղ խաչաձևվել են բազում մշակույթներ, և մենք միշտ հավատացել ենք, որ մեր երկիրը հիանալի վայր է փառատոնի անցկացման համար»,-ասում է Ատոմ Էգոյանը։

Ռեժիսորի խոսքով՝ ի սկզբանե պարզ դարձավ, որ փառատոնի շրջանակում Հայաստան այցելած կինոգործիչները կախարդական, յուրահատուկ զգացողություններ են ունենում։ Էգոյանը փաստում է՝ «Ոսկե ծիրանի» հիմնադիր նախագահ Հարություն Խաչատրյանը աննկարագրելի հմայք ունի, յուրահատուկ անձնավորություն է, և մարդիկ սիրում են նրա շուրջը լինել։

«Հենց սկզբից մենք հույս ունեինք, որ փառատոնը կդառնա Հայաստանի բրենդը, և բոլորովին զարմանալի չէ, որ այն դարձավ մշակույթի ամենակարևոր իրադարձություններից մեկը։ Մենք այնքա՜ն բան ունենք առաջարկելու աշխարհին, սա շատ ոգեշնչող փառատոն է։ Իմ ճանաչած բոլոր կինոգործիչները, ովքեր եկել, մասնակցել են փառատոնին, հիասքանչ փորձառություն են ունեցել և շատ են խոսում այն մասին, թե որքան սքանչելի էր փառատոնը։ Ահա թե ինչու շատ կինոգործիչներ են ցանկանում գալ այստեղ»,- նշում է Էգոյանը։

Նրա խոսքով՝ կինոգործիչները շատ են տպավորվում հատկապես այն փաստից, որ Հայաստանում մեծարում են արվեստի գործիչներին։ Օրինակ՝ մեր երկրում Փարաջանովի, Կոմիտասի, Սարյանի և այլ գործիչների գործունեությունը ներկայացնող թանգարաններ կան, որոնք հիացնում են արտերկրից մեր երկիր ժամանողներին։ Էգոյանը շեշտում է՝ մեզ համար այս ամենը կարող է սովորական թվալ, քանի որ մենք ապրում ենք Հայաստանում, սակայն այն, որ երկիրը հարգում է իր արվեստագետներին, ապշեցնում և հիացնում է արտերկրի կինոգործիչներին: Երկիրն այդ կերպ կարևորում է մշակույթը։ 

Էգոյանն առանձնահատուկ ընդգծում է՝ շատ է հպարտանում փառատոնով։ Ասում է՝  «Ոսկե ծիրանը» հնագույն մշակույթ ունեցող երկրի և երիտասարդ փառատոնի յուրատեսակ համադրություն է, այս համադրության արդյունքում յուրահատուկ բան է ստեղծվում։

Նա տխրում է, որ այս օրերին համավարակի պատճառով փառատոնը չի անցկացվում, սակայն հուսով է, որ շատ շուտով կվերադառնանք նորմալ կյանքին։ Այս օրերին հետաքրքրությամբ կարդացել է C2C օնլայն շուկայի նախագծերը, հետաքրքիր սցենարներ է գտել և խոստանում է իր փորձը կիսել մասնակիցների հետ՝ ամեն կերպ օժանդակելով նրանց նախագծի էլ ավելի լավը դառնալու գործընթացում։ Ասում է՝ երիտասարդ  կինոարտադրողները պետք է ամուր մաշկ ունենան, հասկանան, որ իրենց հաճախ են մերժելու, պետք է պատրաստ լինեն դրան, ամբողջ ընթացքում պայքարեն։ Պետք է շարունակեն փորձել, ոգեշնչված լինեն և իրենց կրքով վարակեն այլ մարդկանց։ Ըստ Էգոյանի՝ ներկայացված ֆիլմերից շատերը կարող են հաջողված լինել, մնում է լավագույն ձևով աշխատել, օգտագործել մեր ունեցած ռեսուրսները՝ ֆիլմերն էլ ավելի կատարելագործելու համար։

Նյութն ամբողջությամբ՝ սկզբնաղբյուր կայքում։

Click to comment

Նմանատիպ նյութեր

Առանց թարգմանության

Маргарита Симоньян, российский чиновник, главный редактор телеканала RT, международного информационного агентства «Россия сегодня» и информационного агентства «Sputnik», написала чудовищный пост, возмутивший армян не только...

Կրթություն

ՀՀ ԿԳՆ Բարձրագույն որակավորման հանձնաժողովն անվավեր է ճանաչել Դիանա Գալոյանի՝ տնտեսագիտության դոկտորի գիտական աստիճանը. ՀՀ ԿԳՆ Բարձրագույն որակավորման հանձնաժողովն անվավեր է ճանաչել Տնտեսագիտական համալսարանի...

Facebook

ԳԱԱ թղթակից անդամ, արվեստագիտության դոկտոր, պրոֆեսոր, գիտության վաստակավոր գործիչ Հենրիկ Հովհաննիսյանը ֆեյսբուքյան իր էջում ուշագրավ գրառում է կատարել, որում մասնավորապես ասվում է. Ով հայոց...

Facebook

  Ֆեյսբուքյան օգտատեր Վիտալի Մանգասարյանն իր էջում գրել է. «Իսրաելական SkyStriker հարվածային ԱԹՍ-ն սաղ-սալամաթ մեր տղաներ մոտ է հայտնվել։ Սա շատ թանկարժեք ձեռքբերում է, նման կարգի ԱԹՍ-ներն անվնաս ձեռք բերելը պրակտիկայում շատ դժվար է, քանի որ հիմնականում այնպիսի համակարգեր են տեղադրված լինում, որ երբ ԱԹՍ-ն ինչ-ինչ տեխնիկական խնդիրների պատճառով ընկնում է, այդ ժամանակ միանում է այսպես ասած՝ «система самоуничтожения», որի նպատակն է ԱԹՍ-ի վրա աշխատող ալգորիթմների եւ այլ տեխնիկական տվյալների ոչնչացումը։ Կարճ ասած , եթե էս սարքը ողջ-առողջ մեր մոտ է , ապա թշնամին պրոբլեմներ ունի, եւ մեր ինժեներների կողմից հետազոտվելուց...