Երեւանի ընդհանուր իրավասության դատարանի Շենգավիթի նստավայրում այսօր հրավիրված դատական նիստին Ռոբերտ Քոչարյանը չէր մասնակցում առողջական վիճակի պատճառով:

Նախագահող դատավոր Աննա Դանիբեկյանը նիստի սկզբում հայտնեց, որ «Էրեբունի» ԲԿ-ից դատարան է ստացվել տեղեկանք՝ այն մասին, որ Ռոբերտ Քոչարյանի մոտ, ի թիվս այլնի, ախտորոշվել է սրտի ռիթմի խանգարում, զարկերակային հիպերտենզիա՝ 3-րդ աստիճանի. «Պացիենտի տեղափոխումը ներկա պահին նպատակահարմար չէ բժշկական նկատառումներով»,- ասված է տեղեկանքում:

Դատավորը հայտնեց, որ ամբաստանյալի բացակայության պայմաններում դատական նիստը ենթակա է հետաձգման: Հաջորդ դատական նիստը տեղի կունենան մարտի 17-ին՝ ժ. 13:00-ին: