2020-03-04
Իդլիբում երեկ փորձել են քիմիական զենք կիրառել
Ահաբեկչական խմբավորումները Սիրիայում պլանավորել են քիմիական զենք օգտագործել Իդլիբի էսկալացիոն գոտու արևելյան մասում: Այս մասին հայտնում է Սիրիայում պատերազմող կողմերի հաշտեցման ռուսական կենտրոնը (CPVS):
Նշվում է, որ դրա անհերքելի ապացույցները ձեռք են բերվել մեկ օր առաջ՝ «Հայաթ Թահրիր ալ-Շամ» խմբավորման զինյալների դիրքերի վրա հարձակման ժամանակ:
«Սարաքաբ բնակավայրի արեւմտյան թաղամասերում սիրիական կառավարական զորքերի առաջխաղացումը խաթարելու եւ քիմիական զենք օգտագործելու մեջ նրանց մեղադրելու համար մարտի 2-ի գիշերը 15 հոգուց բաղկացած ահաբեկիչների մի խումբ փորձել է բնակավայրում պայթուցիկ զինամթերք պայթեցնել, ինչպես նաև տակառների մեջ լցված քիմիական նյութեր»,- ասվում է հաղորդագրության մեջ:
Սիրիայում պատերազմող կողմերի հաշտեցման ռուսական կենտրոնը հայտնում է նաեւ, որ զինյալները խախտել են տակառներից մեկի հերմետիկությունը եւ արտաթողել քիմիական նյութեր, ինչի հետեւանքով ահաբեկչական խումբն ստացել է ծանր քիմիական թունավորումներ՝ այդպես էլ չկարողանալով ավարտին հասցնել ծրագրված սադրանքը:
Նաեւ ընդգծվում է, որ զինվորականներն ունեն ասվածի մասին վկայող բավարար ապացույցներ, որը կհրապարակեն մոտ ժամանակներս:
armtimes.com
Նմանատիպ Նյութեր