ԱՄՆ Մասաչուսեթս նահանգում գործող Moderna Therapeutics ընկերությունը, որի համահիմնադիրը և գլխավոր տնօրենը հայազգի գործարար Նուբար Աֆեյանն է, 42 օրում COVID 19 կորանվիրուսի պատվաստանյութ է ստեղծել և ուղարկել փորձարկման: Այս մասին հաղորդում է Time-ը: Առաջին նմուշներն ուղարկվել են ԱՄՆ Ալերգիայի ու վարակիչ հիվանդությունների ազգային ինստիտուտ: Պատվաստանյութի փորձարկումները մարդկանց վրա կարող են սկսվել ապրիլին:

Ընկերությունը կարողացել է կարճ ժամանակում մշակել պատվաստանյութ՝ հիմնվելով համեմատաբար նոր գենետիկ մեթոդի վրա, որը չի պահանջում վիրուսի շատ նմուշներ ունենալ: Moderna-ի պատվաստանյութի շնորհիվ լիմֆատիկ հանգույցներում իմունային բջիջներն անհրաժեշտ սպիտակուցներ են արտադրում, որը թույլ է տալիս մյուս իմունային բջիջներին ճանաչել վիրուսը և ոչնչացնել այն: