Բնապահպանության և ընդերքի տեսչական մարմինը տեղեկացնում է, որ տեսչական մարմնի կողմից 2020 թվականի հունվարի 20-ից 24-ն ընկած ժամանակահատվածում կատարված ստուգումների,շրջայցերի, վարչական վարույթի գործերի քննության ընթացքում արձանագրվել է իրավախախտման 48 դեպք, որից 37 դեպքով հաշվարկվել է 4.496.340 դրամի չափով շրջակա միջավայրին հասցված վնաս, 13 դեպքով նշանակվել է 1.500.000 դրամի չափով վարչական տուգանք։

Բուսական աշխարհի պահպանության ոլորտ

Արձանագրվել է 33 դեպք, որից 25-ով հաշվարկվել է 3.441.840 դրամի չափով շրջակա միջավայրին հասցված վնաս, 9-ով նշանակվել է 1.100.000 դրամի չափով վարչական տուգանք։

Լոռի՝ ապօրինի ծառահատման 1 դեպքով (3 բոխի, 3 թեղի, 1 բալենի) հաշվարկվել է 96.000 դրամի չափով շրջակա միջավայրին հասցված վնաս։

Նախկինում արձանագրված ապօրինի ծառահատման 1 դեպքով նշանակվել է 100.000 դրամի, փայտանյութի ապօրինի տեղափոխման 3 դեպքով՝ 300.000 դրամի չափով վարչական տուգանք։

Տավուշ` փայտանյութի ապօրինի տեղափոխման 19 դեպքից (20,65 խմ վառելափայտ, 11,28 խմ թափուկ վառելափայտ) 17-ով  հաշվարկվել է 805.640 դրամի չափով շրջակա միջավայրին հասցված վնաս, 3-ով նշանակավել է 400.000 դրամի չափով վարչական տուգանք:

Ապօրինի ծառահատման 4 դեպքով (9 բարդի, 11 հաճարենի, 1 սոճենի, 1 կաղնի) հաշվարկվել է 2.485.000 ՀՀ դրամի չափով շրջակա միջավայրին հասցված վնաս։

Նախկինում արձանագրված փայտանյութի ապօրինի տեղափոխման 3 դեպքով հաշվարկվել է 55.200 դրամի չափով շրջակա միջավայրին հասցված վնաս, 2 դեպքով նշանակվել է 300.000 դրամի չափով վարչական տուգանք։

Կենդանական աշխարհի պահպանության ոլորտ

Արձանագրվել է 11 դեպք, որից 10-ով հաշվարկվել է 507.500 դրամի չափով շրջակա միջավայրին հասցված վնաս, 1-ով նշանակվել է 50.000 դրամի չափով վարչական տուգանք։

Գեղարքունիք՝ արձանագրված 5 դեպքով (141 հատ՝ 41,9 կգ սիգ տեսակի ձուկ, 42 հատ պոլիէթիլենային ցանց) հաշվարկվել է 209.500 դրամի չափով շրջակա միջավայրին հասցված վնաս։

Նախկինում արձանագրված ձկան ապօրինի որսի 1 դեպքով նշանակվել է 50.000 դրամի չափով վարչական տուգանք։

Կոտայք՝ արձանագրված 1 դեպքով (39 հատ՝ 11 կգ սիգ տեսակի ձուկ) հաշվարկվել է 55.000 դրամի չափով շրջակա միջավայրին հասցված վնաս:

Երևան՝ արձանագրված 2 դեպքով (63 հատ՝ 29,4 կգ սիգ տեսակի ձուկ) հաշվարկվել է 147.000 դրամի չափով շրջակա միջավայրին հասցված վնաս:

Տավուշ՝ արձանագրված 1 դեպքով (30 հատ՝ 12,2 կգ սիգ տեսակի ձուկ) հաշվարկվել է 61.000 դրամի չափով շրջակա միջավայրին հասցված վնաս:

Արագածոտն՝ նախկինում արձանագրված ապօրինի ձկան վաճառքի 1 դեպքով հաշվարկվել է 35.000 դրամի չափով շրջակա միջավայրին հասցված վնաս։

Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ

Արձանագրվել է 2 դեպք։

Լոռի՝ Հողի վերին շերտի դեգրադացիայի 2 դեպքով հաշվարկվել է 547.000 դրամի չափով շրջակա միջավայրին հասցված վնաս, 1-ով նշանակավել՝ 50.000 դրամի չափով վարչական տուգանք:

Ամփոփվել է թվով 2 ստուգում։

Արարատ՝ «Լևոն Ասատրյան» ԱՁ-ում իրականացված ստուգման արդյունքում նշանակվել է 100.000 դրամի չափով վարչական տուգանք։

Լոռի՝ նախկինում «Վեոլիա Ջուր» ՓԲԸ-ում իրականացված ստուգման արդյունքում նշանակվել է 200.000 դրամի չափով վարչական տուգանք։

Նշված ժամանակահատվածում պետական բյուջե մուտքագրվել է 1.296.700 դրամ։