«Եվրատեսիլ» երգի մրցույթում այս տարի Հայաստանը կներկայացնի Աթենա Մանուկյանը` “Chains on you” երգով:

Այս պատվին արժանանալու համար պայքարում էին 12 մասնակիցներ՝ Աթենա Մանուկյանը, TOKIONINE-ը, ERNA-ն, Միրիամ Բաղդասարյանը, Agop-ը, Կարինա EVN-ն, Վլադիմիր Արզումանյանը, Հայկ Music-ը, Արթուր Ալեքը, Գաբրիել Ջիգը, EVA Rida-ն, Սերգեյ և Նիկոլայ Հարությունովները:

Քիչ առաջ Հանրային հեռուստաընկերության ուղիղ եթերում ընթացող «Դեպի Եվրատեսիլ» մրցույթում ժյուրիի և հեռուստադիտողների քվեարկության արդյունքում հավաքելով 168 միավոր՝ Աթենան հնարավորություն ստացավ Հայաստանը ներկայացնելու եվրոպական ամենահեղինակավոր բեմում:

Շնորհավորենք և միմիայն հաղթանակ մաղթենք այս տարվա մեր պատվիրակին: