ԱԺ իմքայլական պատգամավոր Սասուն Միքայելյանը այսօր ԱԺ նիստում բարձրացրեց Արցախի օդանավակայանի հարցը, թե արդյոք քայլեր արվում են օդանավակայանի բացվելու ուղղությամբ:

Քաղավիացիայի կոմիտեի նախագահ Տաթևիկ Ռևազյանը նշեց. «Ադրբեջանը որոշել է միջազգային առումով փակել Արցախի օդային տարածքը, և մենք իրավունք չունենք թույլտվություն տալ թռիչքներ դեպի Արցախ: Դա քաղաքական խնդիր է, որ այսօրվա դրությամբ մեր մակարդակում լուծելու հարց չէ»:

Երկրորդ հարցին, թե ՀՀ-ն վիճակի փոփոխության վերաբերյալ աշխատանք կատարո՞ւմ է, Տ. Ռևազյաննը կրկին նշեց, որ հարցը քաղավիացիայի մակարդակում լուծելի չէ, ուստի ինքը դա պետք է քննարկի ԱԳՆ-ի հետ:

Հիշեցնենք, որ Ստեփանակերտի օդանավակայանի վերաբացման մասին խոսվում էր 2010-11թթ: Այն ժամանակ ՀՀ նախագահ Սերժ Սարգսյանն ասել էր. «Ես հայտարարում եմ, որ առաջին չվերթի առաջին ուղևորը լինելու եմ ես»: