2019-09-22
Հինգ ըմպելիքներ, որոնց շնորհիվ կարելի է ազատվել ավելորդ քաշից
Գոյություն ունեն ըմպելիքներ, որոնք օգնում են ձեռք բերել մկաններ, կայունացնել արյան մեջ շաքարի պարունակությունը: Ի ուրախություն նիհարել ցանկացողների՝ նրանց կանոնավոր օգտագործումը կօգնի ազատվել միանգամից մի քանի կիլոգրամ ավելորդ քաշից:
Մասնավորապես, քնելուց առաջ օգտակար կլինի խմել մեկ բաժակ տաք կամ սենյակային ջերմաստիճանի կաթ: Այս ըմպելիքը պարունակում է տրիպտոֆան և կալցիում, որոնք նպաստում են լավ քնելուն, ինչը կարևոր է, քանի որ դրա պակասը նպաստում է ճարպային հյուսվածքի աճին: Բացի այդ, կաթն օրգանիզմի համար սպիտակուցների աղբյուր է, իսկ դրանք ամրացնում են մկանային զանգվածը:
Խաղողի հյութի օգտագործումը (մի փոքր բաժակ) նույնպես կարող է նպաստել նիհարելուն:
Համաձայն International Journal of Obesity-ում հրապարակված ուսումնասիրության՝ խաղողի մեջ առկա ռեսվերատրոլը սպիտակ ճարպը վերածում է շագանակագույն ճարպի, որն ավելի հեշտ է յուրացվում օրգանիզմի կողմից:
Մեկ այլ ըմպելիք, որն օգնում է նիհարել, կեֆիրն է: Դրա պրոբիոտիկները օգնում են աղիքներում ավելացնել օգտակար բակտերիաների քանակը: Այս միկրոօրգանիզմների գործունեության արդյունքում բարելավվում է մարսողությունը, ինչպես նաև ավելի արդյունավետորեն են կլանվում վիտամիններն ու հանքանյութերը: Բացի այդ, կեֆիրը բարելավում է քունը, ինչպես նաև բարձրացնում է մարզումների արդյունավետությունը:
Մասնագետներն առանձնացնում են նաև երիցուկի թեյը: Այն օգնում է հեշտ և արագ քնել: Բացի այդ, այս թեյն ունի արյան մեջ շաքարի կայունացման հատկություն, որն օգնում է նիհարելուն:
Ջուրն ունիվերսալ ըմպելիք է: Պարզվել է, որ եթե քնելուց առաջ ջուր եք խմում, այն ուժեղացնում է քնի վերականգնող ազդեցությունը:
Նմանատիպ Նյութեր