Այսօր՝ նոյեմբերի 27-ին, Կառավարության կոշտ հակահամաճարակային սահմանափակումների դեմ զանգվածային բողոքի ցույցեր են տեղի ունենում Չինաստանի խոշոր քաղաքներում, հայտնում է Associated Press-ը։

Գործակալության տվյալներով՝ ցույցեր են անցկացվում Պեկինում, Շանհայում, Գուանչժոուում և այլ քաղաքներում։

Ըստ գործակալության, ուրբաթ՝ նոյեմբերի 25-ից, Չինաստանի շուրջ 50 համալսարաններում բողոքի ակցիաներ են անցկացվել։ Ինչպես երևում է սոցիալական ցանցերում հրապարակված տեսանյութից, որոշ քաղաքներում բախումներ են տեղի ունեցել ցուցարարների և ոստիկանների միջև։