12:30 April 25, 20242019-08-17
Հրապարակվել է Թուփաքի նամակը Մադոննային
Օրերս TMZ-ն հրապարակել է Թուփաքի նամակը Մադոննային, որի ամսաթիվը նշված է 1995թ.-ի հունվարի 5, 4:30:
Թուփաքը նամակում բազմաթիվ անգամներ ներողություն է խնդրում ու ասում, որ երկար ժամանակ չէր կարողանում գրել այն, քանի որ դեռ չուներ բոլոր հարցերի պատասխանները:
«Սևամորթի հետ լինելը ոչ մի կերպ չէր վնասի քո կարիերային, ընդհակառակը, այն ցույց կտար, որ ազատամիտ ես»,- գրում է Թուփաքը,- «Բայց ինձ համար… համենայնդեպս նախկինում ինքս մտածում էի, որ այդպիսով թևաթափ կանեմ բոլոր նրանց, ովքեր ինձ դարձրել են այն, ինչ կամ այսօր: Երբեք չեմ ցանկացել նեղացնել քեզ»:
Նա շարունակում է ներողություն խնդրել, ասելով. «Ինչպես ինքդ ասացիր, ես չկարողացա քեզ համար դառնալ այն ընկերը, որն ինքս գիտեմ՝ ընդունակ էի լինել»:
Ռեփերը բացատրում է, որ բարկացած է եղել Մադոննայի վրա, երբ վերջինս մի հարցազրույցի ժամանակ ասել է, որ այլևս հրաժարվում է ռեփերների ու բասկետբոլիստների հետ հանդիպել. «Այդ բառերը խոցեցին ինձ, քանի որ շատ լավ հասկանում էի, որ ես միակ ռեփերն եմ եղել, ում հետ հանդիպել ես: Ես վիրավորված էի ու փորձում էի պաշտպանել սիրտս ու այդ պատճառով շատ վատ բաներ ասացի… Հասկանո՞ւմ ես ինձ: Հիմա էլ կարևոր չէ, թե ինչպես կընկալեն ինձ: Խնդրում եմ, հասկացիր, որ երիտասարդ մարդու մտածելակերպ եմ ունեցել»:
editors
Նմանատիպ Նյութեր
