ՀԱՊԿ Հավաքական անվտանգության խորհրդի արտահերթ նստաշրջանը տեղի կունենա 2022 թվականի հոկտեմբերի 28-ին։ Նստաշրջանի ընթացքում նախատեսվում է քննարկել 2022 թվականի սեպտեմբերի 15-ին ՀԱՊԿ հավաքական անվտանգության խորհրդի որոշմամբ Հայաստան ուղարկված ՀԱՊԿ առաքելության արդյունքները՝ կապված հայ-ադրբեջանական սահմանին իրավիճակի սրման հետ:
Նախատեսվում է նաև քննարկել Հայաստանին օգնություն ցուցաբերելու համատեղ միջոցառումները։
Նշենք, որ ՌԴ նախագահի խոսնակ Դմիտրի Պեսկովը «Ռիա նովոստի» գործակալությանը փոխանցել է, որ Վլադիմիր Պուտինը մտադիր է մասնակցել ՀԱՊԿ առաջնորդների ուրբաթ օրը տեղի ունենալիք հանդիպմանը։
Հիշեցնենք, որ երեկ վարչապետ Նիկոլ Փաշինյանը խորհրդարանում ԱԺ-կառավարություն հարցուպատասխանի ժամանակ հայտարարել էր, որ առաջիկայում նախատեսվում է ՀԱՊԿ խորհրդի արտահերթ նիստ գումարել։
