Այսօր Ազգային ժողովում «Քաղաքացիական պայմանագիր» խմբակցության պատգամավոր Բաբկեն Թունյանը ներկայացրեց «Պետական տուրքի մասին» օրենքում փոփոխություն կատարելու մասին» օրենքի նախագիծը:
Նա հիշեցրեց, որ ընթերցմամբ Հայաստան ներկրվող ցեմենտի համար ներկայումս կիրառվող 14 հազար դրամ տուրքը նվազեցրել էին և սահմանել 9 հազար դրամ, իսկ ցեմենտի հումքի կլինկերի համար երկու հազար դրամ տուրքն ընդհանրապես հանել էին:
Նա նշեց, որ նախապես ասվել էր, որ դեռ ուսումնասիրություն կարվի և անհրաժեշտության դեպքում կվերանայեն: «Երկրորդ ընթերցմամբ ավելի ենք իջեցրել ներկրվող ցեմենտի տուրքը և սահմանել ենք 2 հազար դրամ, այսինքն՝ խորհրդանշական չափի տուրք ենք սահմանել:
Այս որոշմամբ՝ ցեմենտի շուկան կվերադառնա հավասարակշիռ վիճակի, կլինի մրցակցություն, գները կգան նորմալ մակարդակի, և կառուցապատողները, տեղական արտադրողները խնդիր չեն ունենա»,- ասաց նա և նշեց, որ օրենքն ուժի մեջ է մտնելու հրապարակման հաջորդ օրվանից։
