«Երկիր մեդիա» հեռուստաընկերության տնօրեն Բագրատ Եսայանին կալանավորելու միջնորդություն է ներկայացվել:
Այս մասին «Ֆեյսբուք»-ի իր էջում հայտնել է փաստաբան Վահե Եփրիկյանը:
Եսայանին մեղադրանք է առաջադրվել՝ ՀՀ քր. օրենսգրքի 38-225-րդ հոդվածի 2-րդ մասով (Զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը) և 164-դ հոդվածի 1 -ին մասով (Լրագրողի մասնագիտական օրինական գործունեությանը խոչընդոտելը կամ նրան տեղեկություններ տարածելուն կամ տարածելուց հրաժարվելուն հարկադրելը):
Եսայանի մյուս փաստաբան Սերգեյ Հարությունյանն էլ լրատվամիջոցներին հայտնել է, որ Եսայանն անցնում է նոյեմբերի 9-ի լույս 10-ի գիշերվա գործով:
Ավելի վաղ հայտնել էինք, որ «Երկիր մեդիա» հեռուստաալիքի տնօրեն Բագրատ Եսայանը տեղափոխվել է ԱԱԾ:
