Այսօր բողոքի երթի են դուրս եկել 44-օրյա պատերազմում զոհված զինծառայողների, կամավորականների հարազատները՝ Ազնավուրի հրապարակից քայլելով դեպի ՀՀ գլխավոր դատախազություն։
Անցած շաբաթ պատերազմում իրենց որդիներին կորցրած մի քանի տասնյակ ծնողներ հաղորդում էին ներկայացրել իրավապահ կառույցին՝ պահանջելով պատասխանատվության ենթարկել Նիկոլ Փաշինյանին։ Պնդում էին, որ վարչապետը Ազգային ժողովում հանցագործության մասին ինքնախոստովանական ցուցմունք է տվել՝ խոստովանելով, որ կարող էին կանխել պատերազմը, որ արդյունքում կունենայինք նույն վիճակը, իհարկե, առանց զոհերի։
Այսօր ծնողներին ընդառաջ է դուրս եկել Դատախազ Արթուր Դավթյանը։
